ووٹروں کی انگلیوں سے مٹ رہی مارکر کی سیاہی، راج ٹھاکرے کا دھاندلی کا الزام

راج ٹھاکرے نے حکمراں جماعت پر طنز کرتے ہوئے کہا کہ اگر ترقی کے دعوے کرنے والے لوگ ووٹ کی صداقت کو مٹا کر دوبارہ ووٹنگ کا راستہ ہموار کریں تو یہ ترقی نہیں بلکہ جمہوریت کی کمزوری کی علامت ہے۔ انہوں نے الزام لگایا کہ ریاستی حکومت اور انتخابی ادارے مل کر ایسے اقدامات کر رہے ہیں جن سے اپوزیشن کو حاشیے پر دھکیلا جا سکے۔

انہوں نے ووٹنگ کے عمل میں شفافیت کی کمی پر بھی تشویش ظاہر کی اور دعویٰ کیا کہ ریاستی انتظامیہ عملاً حکمراں فریق کے دباؤ میں کام کر رہی ہے۔ ان کا کہنا تھا کہ ڈپلیکیٹ ووٹروں اور ووٹنگ مشینوں سے متعلق سوالات اٹھانے کے باوجود متعلقہ اداروں کی جانب سے کوئی سنجیدہ توجہ نہیں دی گئی۔