منریگا کی بحالی کے مطالبے پر تلنگانہ کانگریس کا 45 روزہ ریاست گیر احتجاج

میٹنگ میں حال ہی میں پارلیمنٹ سے منظور ہونے والے ’وکست بھارت گارنٹی فار روزگار اینڈ آجیویکا مشن (دیہی) قانون‘ کی سخت مخالفت کا عزم ظاہر کیا گیا، جسے منریگا کی جگہ نافذ کیا گیا ہے۔ کانگریس کا مؤقف ہے کہ نیا قانون دیہی غریبوں اور کھیت مزدوروں کے مفادات کے خلاف ہے اور اس سے روزگار کے تحفظ کو شدید نقصان پہنچے گا۔

تلنگانہ پردیش کانگریس کے صدر مہیش کمار گوڑ کی صدارت میں ہونے والی اس میٹنگ میں وزیر اعلیٰ اے ریونت ریڈی، آل انڈیا کانگریس کمیٹی کی انچارج میناکشی نٹراجن اور پارٹی کے دیگر سینئر قائدین شریک ہوئے۔ میٹنگ میں احتجاجی تحریک کی تفصیلی حکمت عملی طے کی گئی۔