اڈیشہ میں کھدائی کے دوران پتھر کی کان میں دھماکہ، 2 مزدوروں کی موت، متعدد کے دبے ہونے کا اندیشہ

فائر آفیسر نے بتایا کہ انہیں کل رات اس واقعہ کی اطلاع ملی۔ حکم ملنے کے بعد ریسکیو آپریشن کے لیے 7 ٹیمیں جائے وقوعہ پر روانہ کر دی گئیں۔ انہیں گڈھے میں انسانی جسم کا ایک حصہ ملا۔ اتنے بڑے پتھروں کو ہاتھ سے ہٹانا مشکل ہے، اس لیے بھاری مشینری کا استعمال کیا جائے گا۔ ڈاگ اسکواڈ بھی جائے وقوعہ پر موجود ہے۔ ریسکیو آپریشن ابھی بھی جاری ہے اور حالات کو معمول پر آنے میں کچھ وقت لگ سکتا ہے کیونکہ پتھروں کو ہٹانے میں وقت لگ رہا ہے۔