’اقتدار میں 20 سالوں سے آپ ہیں، اِدھر اُدھر کی باتیں مت کیجیے، 20 سال کا رپورٹ کارڈ دیجیے‘، کانگریس کا پی ایم مودی پر حملہ

کانگریس لیڈر نے پریس کانفرنس کے دوران کہا کہ ’’بی جے پی اور نریندر مودی بہار میں کانگریس کو برا بھلا کہہ رہے ہیں۔ اقتدار میں 20 سال سے آپ ہیں، اس لیے اِدھر اُدھر کی باتیں مت کیجیے، 20 سال کا رپورٹ کارڈ دیجیے۔‘‘ ساتھ ہی انہوں نے این ڈی اے سے کچھ تلخ سوالات بھی پوچھے، جو اس طرح ہیں:

• نریندر مودی نے بہار کو سوا لاکھ کروڑ روپے کا پیکج دیا تھا، وہ کہاں ہے؟

• سی اے جی بتاتا ہے کہ بہار میں 70 ہزار کروڑ روپے کہاں چلے گئے، کوئی نہیں جانتا۔

• بہار ملک کی سب سے غریب ریاست ہے۔ یہاں کی اوسط آمدنی جھارکھنڈ کے مقابلے میں نصف اور اڈیشہ کے مقابلہ میں ایک تہائی ہے۔

سپریا کہتی ہیں کہ ’’مذکورہ بالا سوالات کے جواب مطوب ہیں کہ یہ کیسے ہوا، کیونکہ 20 سال سے اقتدار آپ کے ہاتھوں میں ہے۔‘‘