پرینیتی چوپڑا اور راگھو چڈھا کے گھر بیٹے کی آمد، ’اب ہمارے پاس سب کچھ ہے‘

پرینیتی اور راگھو نے اپنی پوسٹ میں لکھا، ’’وہ آخرکار آ گیا! ہمارا بیٹا۔‘‘ مزید کہا، ’’ہمیں اپنی پرانی زندگی یاد ہی نہیں، بانہوں میں بچہ ہے اور دل پہلے سے زیادہ بھرا ہوا۔ پہلے ہم ایک دوسرے کے تھے، اب ہمارے پاس سب کچھ ہے۔‘‘ دونوں نے پیغام کے آخر میں لکھا، ’’شکر گزاری کے ساتھ، پرینیتی اور راگھو۔‘‘ اس تصویری پوسٹ کے ساتھ انہوں نے کوئی کیپشن نہیں دیا بلکہ صرف ایک نیلی آنکھ (ایول آئی) ایموجی لگائی، جو خوش نصیبی کی علامت سمجھی جاتی ہے۔

اس سے قبل اتوار کی صبح یہ خبر سامنے آئی تھی کہ پرینیتی چوپڑا دہلی کے ایک اسپتال میں داخل ہیں۔ ذرائع کے مطابق راگھو چڈھا اس دوران اپنی اہلیہ کے ساتھ موجود تھے۔ ایک قریبی ذرائع نے بتایا، ’’پرینیتی دہلی کے اسپتال میں داخل ہیں۔ خاندان کے تمام افراد ان کے ساتھ ہیں اور سب بچے کی آمد کے انتظار میں بے حد پُرجوش ہیں۔ اس سال کی دیوالی ان کے لیے خاص ہوگی کیونکہ یہ خوشی دوگنی ہو گئی ہے۔‘‘