کانگو میں ایبولا کا بحران، 100 سے زائد ہلاکتیں، عالمی صحت ایمرجنسی کا اعلان

امریکی نشریاتی ادارے کے حوالے سے بتایا گیا ہے کہ کانگو میں اس وبا کے دوران کم از کم چھ امریکی شہری بھی وائرس کی زد میں آئے ہیں۔ اطلاعات کے مطابق ایک امریکی شہری میں بیماری کی علامات پائی گئی ہیں جبکہ تین دیگر افراد وائرس سے متاثرہ افراد کے قریبی رابطے میں رہے ہیں۔ تاہم یہ واضح نہیں ہو سکا کہ ان میں سے کتنے افراد حقیقت میں متاثر ہوئے ہیں۔

امریکہ کے سینٹرس فار ڈیزیز کنٹرول اینڈ پریوینشن نے کہا ہے کہ وہ متاثرہ امریکی شہریوں کو محفوظ مقامات تک منتقل کرنے میں مدد فراہم کر رہا ہے۔ ذرائع کے مطابق امریکی حکومت چند شہریوں کو قرنطینہ کے لیے جرمنی کے ایک فوجی اڈے منتقل کرنے پر غور کر رہی ہے، تاہم اس کی سرکاری تصدیق نہیں کی گئی۔