کلدیپ سنگھ سینگر کی سزا معافی کی درخواست دہلی ہائی کورٹ سے مسترد

یاد رہے کہ ریپ متاثرہ کے والد کو اسلحہ ایکٹ کے تحت گرفتار کیا گیا تھا۔ الزام ہے کہ یہ گرفتاری کلدیپ سینگر کے اشارے پر عمل میں آئی۔ پولیس حراست کے دوران مبینہ تشدد کے باعث 9 اپریل 2018 کو متاثرہ کے والد کی موت واقع ہو گئی تھی۔ اس معاملے میں ٹرائل کورٹ نے 13 مارچ 2020 کو فیصلہ سناتے ہوئے کلدیپ سینگر کو 10 سال کی سخت قید اور 10 لاکھ روپے جرمانے کی سزا سنائی تھی۔

عدالتِ زیریں نے اپنے فیصلے میں کہا تھا کہ متاثرہ خاندان کے واحد کمانے والے فرد کی موت کے معاملے میں کسی بھی قسم کی نرمی برتنا انصاف کے منافی ہوگا۔ اسی فیصلے کے تحت سینگر کے بھائی اتل سنگھ سینگر سمیت 5 دیگر افراد کو بھی 10 سال قید کی سزا دی گئی تھی۔