ڈی ایم کے نے ایس آئی آر کے خلاف سپریم کورٹ سے رجوع کیا، اسٹالن نے ای سی آئی پر سازش کا الزام لگایا

وزیر اعلیٰ اسٹالن نے الزام لگایا کہ بہار میں بھی ایسا ہی طریقہ اختیار کیا گیا، جہاں لاکھوں حقیقی ووٹرز کو فہرست سے نکال دیا گیا۔ انہوں نے کہا کہ اس متنازعہ عمل کی مخالفت سب سے پہلے تمل ناڈو میں شروع ہوئی جس کے بعد کانگریس لیڈر راہل گاندھی اور بہار میں اپوزیشن لیڈروں نے بھی اس کے خلاف احتجاج کیا۔ اسٹالن نے کہا، ’’قانونی مقدمہ دائر ہونے کے بعد بھی الیکشن کمیشن نے تسلی بخش جواب نہیں دیا۔‘‘ اسٹالن نے اے آئی اے ڈی ایم کے جنرل سکریٹری ایڈاپڈی کے پالانیسوامی پر بھی سخت حملہ کیا، اور کہا کہ وہ دوہرا کھیل کھیل رہے ہیں اور بی جے پی سے اپنے تعلقات کی وجہ سے الیکشن کمیشن سے ڈرتے ہیں۔