پلاسٹک فیکٹری اور گوداموں میں خوفناک آتشزدگی، 6 سوسائٹیوں میں دھواں داخل ہونے کے سبب سانس لینا ہوا دشوار

جائے حادثہ کے قریب 5 سے 6 بڑی سوسائٹیاں اور بجگھیڑا گاؤں کی گنجان آبادی ہے۔ دھوئیں کا غبار فلیٹوں کے اندر پہنچ گیا جس کی وجہ سے لوگوں کو سانس لینے میں پریشانی ہونے لگی۔ پولیس نے احتیاط کے طور پر آس پاس کے علاقے کو خالی کرا لیا اور رہائشیوں کو آگ سے دور رہنے کی ہدایت کی۔ اس سے پہلے ہفتے کی دیر رات سکندر پور کے قریب جھونپڑیوں میں زبردست آگ لگ گئی تھی۔ 100 سے زائد خاندانوں کے گھر راکھ ہو گئے۔ فائر بریگیڈ کی ٹیمیں اتوار کی صبح تک وہاں موجود رہیں اور سرچ اینڈ کولنگ آپریشنز کر رہی تھیں۔