وزیر اعظم مودی کی تقریر بے بنیاد، اپوزیشن کے سوالوں کا جواب دینے کی ہمت نہ کر سکے: کھڑگے

کھڑگے نے کہا کہ انہوں نے لوک سبھا اور راجیہ سبھا دونوں ایوانوں میں جو سوالات اٹھائے، ان کا جواب دینے کی ہمت وزیر اعظم میں نہیں تھی۔ انہوں نے طنزیہ انداز میں کہا کہ اگر وزیر اعظم یہ کہتے ہیں کہ انہیں دو دو کلو گالیاں دی جاتی ہیں تو کیا گالیاں بھی تولی جاتی ہیں؟

کانگریس صدر نے دفاعی وزیر راج ناتھ سنگھ اور حکومت کے دیگر نمائندوں کے بیان کا حوالہ دیتے ہوئے کہا کہ جنرل ایم ایم نرونے کی کتاب کے وجود سے انکار کیا گیا، حالانکہ کتاب موجود ہے۔ ان کے مطابق کتاب کے ہوتے ہوئے اس کی تردید کرنا ایوان کے استحقاق کی خلاف ورزی ہے۔