مہنگائی بڑھے گی اور شرح ترقی گھٹے گی، ریزرو بینک کے اندازوں نے عوام کو دیا دھچکا

ہندوستانی ریزرو بینک کے ذریعہ مہنگائی کے تخمینہ کو بڑھانے کے پیچھے کئی وجوہات ہیں، جن میں سب سے اہم خام تیل کی بڑھتی ہوئی قیمتوں کا دباؤ ہے۔ آئیے ذیل میں آر بی آئی کے فیصلے کی اہم وجوہات پر سرسری نظر ڈالیں۔

خام تیل کی بڑھتی قیمتوں کا دباؤ:

مغربی ایشیا میں جاری کشیدگی کے باعث بین الاقوامی بازار میں خام تیل کی قیمتیں بلند سطح پر برقرار ہیں، جس سے ہندوستان میں ایندھن اور لاجسٹکس کے اخراجات بڑھ سکتے ہیں۔

ڈالر کی مضبوطی:

امریکی ڈالر کے مقابلے میں ہندوستانی روپے کی حالیہ کمزوری کے سبب ضروری اشیا کی درآمد مہنگی ہو گئی ہے۔

موسم اور زرعی پیداوار:

شدید گرمی اور مانسون کے غیر یقینی حالات کی وجہ سے دالوں، سبزیوں اور دیگر غذائی اشیا کی قیمتوں میں اضافے کا خطرہ بڑھ گیا ہے۔