مغربی بنگال میں کانگریس کا بی جے پی اور ترنمول کانگریس پر حملہ، ترقی اور روزگار کے مسائل اٹھائے

انہوں نے واضح کیا کہ کانگریس اس انتخاب میں تمام نشستوں پر اکیلے میدان میں ہے اور عوام کے سامنے ایک نئے اور سنجیدہ متبادل کے طور پر ابھر رہی ہے۔

پریس کانفرنس میں موجود اے آئی سی سی کے انچارج این ایس یو آئی کنہیا کمار نے بھی مرکز اور ریاستی حکومتوں کو نشانہ بناتے ہوئے کہا کہ وزیر اعظم نریندر مودی عوامی مسائل سے توجہ ہٹانے کے لیے نمائشی سرگرمیوں میں مصروف ہیں۔ انہوں نے طنزیہ انداز میں کہا کہ وزیر اعظم کشتی میں سیر کرتے ہوئے یہ دیکھ رہے تھے کہ اگر حکومت بنی تو کون سی زمین اپنے قریبی افراد کو دی جائے گی۔

کنہیا کمار نے کہا کہ مغربی بنگال میں نہ نئی صنعتیں قائم ہو رہی ہیں اور نہ ہی روزگار کے مواقع پیدا ہو رہے ہیں۔ انہوں نے دعویٰ کیا کہ ہاوڑہ کی بیشتر فیکٹریوں پر تالے لگے ہوئے ہیں، جو ریاست کی صنعتی زبوں حالی کی علامت ہے۔ ان کے مطابق ترنمول کانگریس کی حکومت نے ریاست کے مستقبل کو نقصان پہنچایا ہے۔