دہلی سے حج پروازوں کا بابرکت آغاز، دہلی حج کمیٹی کی چیئرپرسن نے حجاج کو رخصت کیا

حج کمیٹی کے ایگزیکٹیو آفیسر اشفاق احمد عارفی نے بتایا کہ اس بار شمالی ہندوستان کے سب سے بڑے حج امبارکیشن پوائنٹ دہلی سے روانہ ہونے والی پہلی پرواز میں کل 371 حجاج میں 177 خواتین اور 194 مرد عازمین شامل ہیں۔ آج روانہ ہونے والی دوسری پرواز شام 4:45 بجے 410 حجاج کو لے کر جائے گی۔ انہوں نے مزید بتایا کہ 20 مئی تک سعودی ایئرلائن کی 54 پروازوں کے ذریعے دہلی سمیت شمالی ہندوستان کی مختلف ریاستوں کے 21,000 سے زائد حجاج مدینہ منورہ اور جدہ کے راستے مکہ مکرمہ روانہ ہوں گے۔ اس سال ’دہلی امبارکیشن‘ سے پہلے مرحلے میں 31 پروازوں کے ذریعے 12,240 حجاج مدینہ منورہ جائیں گے جبکہ دوسرے مرحلے میں 23 پروازوں کے ذریعے 8,860 حجاج مکہ مکرمہ روانہ ہوں گے۔ دہلی ریاست کے حجاج کی تعداد 3,196 ہے۔