بنگال میں کہیں اینٹ پتھر چلے، کہیں لاٹھیاں برسیں اور کہیں تھپڑوں کی ہوئی بارش، کم و بیش 10 مقامات پر ہوئے تشدد

جنوبی دیناج پور کے کمارگنج علاقہ میں بی جے پی امیدوار سوویندو سرکار پر مبینہ طور پر ٹی ایم سی حامیوں نے لاٹھیوں اور گھونسوں سے حملہ کیا۔ انہوں نے الزام لگایا کہ پولیس کی موجودگی میں ان پر تشدد کیا گیا۔ جاموڑیا اسمبلی حلقے میں بھی تشدد کا واقعہ پیش آیا، جہاں ایک گاڑی سے ای وی ایم ملنے کا دعویٰ کیا جا رہا ہے۔ گاڑی سے مبینہ طور پر ای وی ایم ملنے کے بعد انتخابی ماحول گرم ہو گیا۔ مقامی لوگوں اور اپوزیشن کا کہنا تھا کہ گاڑی میں کئی ریزرو ای وی ایم موجود تھیں لیکن وہاں کوئی سیکورٹی اہلکار موجود نہیں تھا۔