اپریل میں مئی جیسی گرمی کا احساس، راجدھانی میں گرم لہر کے لیے ’یلو الرٹ‘ جاری

اس دوران دہلی پردیش کانگریس کے صدر دیویندر یادو نے دہلی حکومت پر بڑھتی گرمی اور ممکنہ گرم لہر کے لیے تیار نہ رہنے کا الزام لگایا ہے۔ انہوں نے محکمہ موسمیات کے یلو الرٹ کا حوالہ دیتے ہوئے کہا کہ اگر 22 سے 24 اپریل کے درمیان درجہ حرارت 43 ڈگری تک پہنچتا ہے تو حکومت کے پاس اس سے نمٹنے کا منصوبہ نظر نہیں آ رہا ہے۔ انہوں نے کہا کہ گزشتہ برس حکومت نے گرم لہر سے نمٹنے کے لیے بڑے پیمانے پر اعلانات کئے تھے لیکن پوری گرمی میں ان کا کوئی اثر دیکھنے کو نہیں ملا۔ انہوں نے الزام لگایا کے اس بار بھی حکومت کی جانب سے کوئی ٹھوس قدم نہیں اٹھایا گیا ہے۔