امریکی حملوں کے بعد ایران اور امریکہ میں کشیدگی برقرار، یورپی یونین نے جامع مذاکرات پر زور دے دیا

ایران کی جانب سے ایک امریکی ڈرون مار گرائے جانے کے بعد خطے میں کشیدگی مزید بڑھ گئی ہے۔ امریکی فوج نے دعویٰ کیا ہے کہ اس نے ایران میں ریڈار اور ڈرون کنٹرول مراکز کو نشانہ بنایا، جبکہ ایران نے کہا ہے کہ امریکی حملوں میں ایک جزیرے پر واقع مواصلاتی ٹاور کو نقصان پہنچا ہے۔

ایرانی سرکاری خبر رساں ادارے کے مطابق، پاسدارانِ انقلاب نے ایک بیان میں کہا کہ امریکی کارروائی کے جواب میں جوابی حملہ بھی کیا گیا، تاہم اس کی تفصیلات ظاہر نہیں کی گئیں۔ دونوں ممالک کے درمیان جاری تناؤ کے باعث خلیجی خطے میں سلامتی کی صورتحال بدستور تشویش کا باعث بنی ہوئی ہے۔