آدھار کارڈ کے ڈیزائن میں تبدیلی کی افواہیں مسترد، حکومت نے خبروں کو گمراہ کن قرار دیا

یہ وضاحت ایسے وقت میں سامنے آئی ہے جب آن لائن پلیٹ فارمز پر آدھار کے ڈیزائن میں بڑی تبدیلیوں کی افواہیں تیزی سے پھیل رہی تھیں۔ حکومت نے ایک بار پھر دو ٹوک انداز میں کہا ہے کہ اس حوالے سے کوئی فیصلہ نہیں لیا گیا ہے اور عوام کو ایسی گمراہ کن باتوں کو نظر انداز کرنا چاہیے۔

آدھار دنیا کی سب سے بڑی بایومیٹرک شناختی نظاموں میں شمار ہوتا ہے، جس کے ذریعے ملک میں شناخت کی تصدیق کا عمل آسان اور مؤثر بنایا گیا ہے۔ سرکاری اعداد و شمار کے مطابق اس وقت تقریباً 134 کروڑ افراد آدھار سے وابستہ ہیں، جبکہ اس نظام کے ذریعے 17 ہزار کروڑ سے زائد تصدیقی لین دین مکمل کیے جا چکے ہیں۔

حکومت نے اس بات پر زور دیا ہے کہ آدھار نظام بدستور مضبوط اور مستحکم ہے اور اس میں کسی غیر ضروری تبدیلی کی کوئی ضرورت محسوس نہیں کی جا رہی۔