سونم وانگچک کی اہلیہ نے کھٹکھٹایا سپریم کورٹ کا دروازہ، شوہر کی رہائی کا مطالبہ

وانگچک کو قومی سلامتی قانون (این ایس اے) کے تحت گرفتار کیا گیا تھا اور ان پر الزام ہے کہ انہوں نے لداخ کے احتجاج کو بھڑکانے میں کردار ادا کیا۔ انسانی حقوق اور ماحولیاتی تنظیموں نے بھی اس گرفتاری پر تشویش کا اظہار کیا ہے اور وانگچک کی رہائی کا مطالبہ کیا ہے۔

خیال رہے کہ لداخ کو مکمل ریاست کا درجہ اور چھٹے شیڈول جیسے آئینی تحفظ کی مانگ کو لے کر لیہ میں پرتشدد مظاہرہ ہوا۔ یہ مظاہرہ شروع میں پرامن تھا لیکن بعد میں پرتشدد ہو گیا اور مظاہرین اور پولیس کے درمیان جھڑپیں ہوئیں۔ مظاہرین نے بی جے پی کے دفتر، علاقائی سرکاری عمارتوں اور پولیس کی گاڑیوں کو آگ لگا دی۔ پولیس نے صورتحال پر قابو پانے کے لیے آنسو گیس، لاٹھی چارج اور دیگر ہتھیار استعمال کیے۔ اس تصادم میں کم از کم چار افراد ہلاک ہو گئے اور درجنوں زخمی ہوئے۔ سکیورٹی فورسز اور پولیس اہلکاروں کو بھی چوٹیں آئیں۔