نائب صدر کا انتخاب آج، سی پی رادھا کرشنن اور بی سدرشن ریڈی کے درمیان مقابلہ

نئی دہلی: نائب صدر جمہوریہ کے انتخاب کے لیے آج ووٹنگ ہوگی، جس میں حکمراں نیشنل ڈیموکریٹک الائنس (این ڈی اے) کے امیدوار اور موجودہ مہاراشٹر کے گورنر سی پی رادھا کرشنن کا مقابلہ اپوزیشن انڈیا الائنس کے امیدوار اور سپریم کورٹ کے سابق جج بی سدرشن ریڈی سے ہے۔ پارلیمنٹ کے دونوں ایوانوں کے اراکین اس اہم انتخاب میں اپنی رائے دہی کا حق استعمال کریں گے۔

ووٹنگ کا عمل نئے پارلیمنٹ ہاؤس میں صبح 10 بجے شروع ہوگا اور شام 5 بجے تک جاری رہے گا۔ اس کے بعد شام 6 بجے سے ووٹوں کی گنتی کا آغاز ہوگا اور رات تک نتائج کے اعلان کی توقع ہے۔