دہلی-این سی آر میں اگلے دو دنوں تک شدید بارش کا الرٹ، جمنا کی آبی سطح خطرے کے نشان سے اوپر

اس کے ساتھ ہی ہر گھنٹے ہتھنی کنڈ بیراج سے لاکھوں کیوسک پانی چھوڑا جا رہا ہے۔ ایسے میں دہلی کے لیے سیلاب کی گھنٹی بج گئی ہے۔ آج شام 5 بجے جمنا کی آبی سطح 206.50 میٹر پہنچنے کا امکان ہے۔ اسے دیکھتے ہوئے دہلی کے نشیبی علاقوں میں سیلاب کو لے کر الرٹ بھی جاری کر دیا گیا ہے۔ اس درمیان شاہدرہ کے ضلع مجسٹریٹ نے بتایا کہ جمنا ندی میں بڑھتی آبی سطح کی وجہ سے 2 ستمبر کو 5 بجے سے لوہا پُل پر آمد و رفت اور عوامی سرگرمیاں بند کر دی جائیں گی۔