جموں و کشمیر میں امرناتھ یاترا کا آغاز، ایل جی منوج سنہا نے پہلے قافلے کو کیا روانہ

یہ قافلہ دو مختلف راستوں ’بلتل‘ اور ’پہلگام‘ کے ذریعے وادی امرناتھ کی طرف روانہ ہوگا۔ زائرین میں جوش و جذبہ دیدنی ہے۔ کئی عقیدت مندوں نے کہا کہ ان کی آستھا (عقیدہ) دہشت گردی پر بھاری ہے اور وہ ہر حال میں بابا برفانی کے درشن کریں گے۔

جموں و کشمیر بی جے پی صدر ستپال شرما نے کہا کہ ’’ہزاروں عقیدت مند امرناتھ یاترا میں شامل ہونے آئے ہیں اور صرف دو ماہ قبل جس ماحول کی بات ہو رہی تھی، آج ہم دیکھ سکتے ہیں کہ لوگ نعرے لگا رہے ہیں، خوش ہیں اور پُراعتماد ہیں کہ وہ محفوظ ہاتھوں میں ہیں۔‘‘