ایران معاہدے کی لیک شدہ تفصیلات پر ٹرمپ برہم، کہا- ’ان کا حقیقت سے کوئی تعلق نہیں‘

یہ ردعمل ایسے وقت سامنے آیا جب ایرانی ذرائع ابلاغ میں ایک ممکنہ معاہدے کی تفصیلات شائع ہوئیں۔ ان رپورٹس میں دعویٰ کیا گیا کہ امریکہ بحری ناکہ بندی ختم کرے گا اور ایران کو امریکی و اسرائیلی حملوں سے ہونے والے نقصانات کے ازالے کے لیے کم از کم 300 ارب ڈالر فراہم کیے جائیں گے۔ تاہم امریکی حکام نے ان اطلاعات کی تردید کی ہے۔

ایران کے وزیر خارجہ سید عباس عراقچی نے کہا کہ معاہدہ پہلے سے کہیں زیادہ قریب ہے، لیکن انہوں نے ذرائع ابلاغ پر زور دیا کہ معاہدے کے مندرجات کے بارے میں قیاس آرائیوں سے گریز کیا جائے۔ ان کے مطابق ابھی کسی حتمی دستاویز پر اتفاق نہیں ہوا۔