امریکی عدالت نے ایچ-1 بی ویزا پر ایک لاکھ ڈالر فیس ختم کی، کئی ریاستوں نے فیصلے کا خیرمقدم کیا

میساچوسٹس کی امریکی ضلعی عدالت نے اپنے حتمی فیصلے میں اس فیس کو کالعدم قرار دیا۔ یہ فیس 21 ستمبر 2025 کے بعد جمع کرائی جانے والی تمام نئی ایچ-1 بی ویزا درخواستوں پر نافذ کی گئی تھی۔ مختلف ریاستوں کے اتحاد نے اس پالیسی کو عدالت میں چیلنج کرتے ہوئے مؤقف اختیار کیا تھا کہ کانگریس کی منظوری کے بغیر انتظامیہ کو اس نوعیت کی فیس عائد کرنے کا اختیار حاصل نہیں ہے۔

واشنگٹن ریاست کے اٹارنی جنرل نک براؤن نے فیصلے کا خیرمقدم کرتے ہوئے کہا کہ اس سے ریاست کو خصوصی مہارت رکھنے والے افراد کو اپنی جانب متوجہ کرنے میں مدد ملے گی۔ ان کے مطابق یہ کامیابی واشنگٹن کو ان تحقیقی شعبوں میں اپنی برتری برقرار رکھنے میں معاون ہوگی جو جدید اور تیزی سے ترقی کرنے والی صنعتوں کی بنیاد سمجھے جاتے ہیں۔