تیج پرتاپ یادو کا نتیش کمار اور جیتن رام مانجھی کو بھی نوٹس دینے کا مطالبہ

رابڑی دیوی کے زیر استعمال سرکاری بنگلے کو حال ہی میں ریاستی حکومت کے وزیر نند کشور رام کے نام الاٹ کیے جانے کے بعد یہ تنازع شروع ہوا۔ رابڑی دیوی نے مبینہ طور پر رہائش گاہ خالی کرنے سے انکار کیا ہے، جس کے بعد معاملہ سیاسی بحث کا موضوع بن گیا ہے۔ محکمہ تعمیراتِ عمارات نے 27 مئی کو جاری اپنے حکم نامے میں راج بھون اور وزیر اعلیٰ کی رہائش گاہ کے قریب واقع اس بنگلے کو مویشی پروری اور ماہی پروری وسائل کے وزیر نند کشور رام کے نام الاٹ کیا تھا۔

تیج پرتاپ یادو نے ریاستی حکومت پر دوہرے معیار اپنانے کا الزام بھی لگایا۔ انہوں نے سوال اٹھایا کہ وزیر اعلیٰ سمرت چودھری آٹھ ایکڑ پر مشتمل وسیع سرکاری رہائش گاہ میں کیوں مقیم ہیں۔ ان کا کہنا تھا کہ اگر انہیں اتنی بڑی رہائش گاہ درکار ہے تو انہیں دہلی کے لال قلعہ میں منتقل ہو جانا چاہیے۔