یوپی کے بارہ بنکی میں پیش آیا دردناک حادثہ، تیز رفتار ڈمپر نے گھر کے باہر سو رہے خاندان کو کچلا، والد سمیت 3 بچوں کی موت

لواحقین کے مطابق نیرج کرائے پر میجک گاڑی چلا کر خاندان کی کفالت کرتے تھے۔ ضلع اسپتال کے ای۔ایم۔او ڈاکٹر آنند نے بتایا کہ مریضوں کو صبح تقریباً 5:15 بجے ایمبولینس کے ذریعے اسپتال لایا گیا تھا۔ 2 بچوں کو شدید چوٹوں کے ساتھ مردہ حالت میں لایا گیا تھا۔ ایک خاتون کو بھی لایا گیا، جن کا پیر کچلنے کی وجہ سے شدید زخمی تھا اور ان کا علاج ابھی چل رہا ہے۔ جاں بحق ہونے والوں میں 35 سالہ نیرج، 13 سالہ انوراگ، 10 سالہ انشیکا اور 6 سالہ آشو شامل ہیں۔ انہوں نے مزید بتایا کہ نیرج اور انوراگ کی موقع پر ہی موت ہو گئی تھی، جبکہ انشیکا اور آشو نے دورانِ علاج ضلع اسپتال میں دم توڑ دیا۔