ملک کی 16 ریاستوں اور 3 مرکز کے زیر انتظام علاقوں میں ووٹر فہرستوں کی خصوصی نظرثانی مہم شروع

الیکشن کمیشن کے مطابق اس خصوصی مہم کے دوران بلاک سطحی افسران گھر گھر جا کر ووٹروں کی معلومات کی جانچ کریں گے۔ اس کے علاوہ پولنگ مراکز کی ازسرنو ترتیب، ابتدائی ووٹر فہرست کی اشاعت، دعووں اور اعتراضات کی جانچ اور حتمی ووٹر فہرست جاری کرنے جیسے اقدامات بھی شامل رہیں گے۔

ناگالینڈ اور تریپورہ میں اس مرحلے کے لیے یکم اکتوبر 2026 کو اہلیت کی تاریخ مقرر کی گئی ہے۔ ناگالینڈ میں اس پروگرام کی تیاری، تربیت اور ضروری طباعتی کام 5 اگست سے 14 اگست 2026 تک مکمل کیا جائے گا۔ اس کے بعد 16 اگست سے 14 ستمبر 2026 تک بلاک سطحی افسران گھر گھر جا کر معلومات اکٹھی کریں گے۔ پولنگ مراکز کی ترتیب کا عمل 14 ستمبر تک مکمل ہوگا جبکہ ابتدائی ووٹر فہرست 20 ستمبر 2026 کو جاری کی جائے گی۔