’عوام کی لوٹ اور اڈانی کو چھوٹ، یہی ہے مودی جی کا کمپرومائزڈ ماڈل‘، پٹرول-ڈیزل کی قیمتوں میں اضافہ پر کھڑگے برہم

کانگریس صدر نے وزیر اعظم کو مخاطب کرتے ہوئے کہا کہ عوام کے اصل مسائل سے توجہ ہٹانے کے بجائے حکومت کو ان سوالات کے جواب دینے چاہئیں جو براہ راست عام شہریوں کی زندگی سے جڑے ہوئے ہیں۔ اپنے بیان کے اختتام پر انھوں نے کہا کہ اگر حکومت بحران کے حل کے لیے اپنے عملی اقدامات واضح کرتی ہے، تبھی وہ خود کو حقیقی معنوں میں ’پردھان سیوک‘ کہلا سکتی ہے، بصورت دیگر وہ صرف ایک ’تشہیری حکومت‘ بن کر رہ جائے گی۔