ٹی وی کے سربراہ وجے تمل ناڈو کے وزیر اعلیٰ کی حیثیت سے کل لیں گے حلف، گورنر نے دی حکومت سازی کی دعوت

چنئی: تمل ناڈو کے لیے سنیچر کا دن تاریخی مانا جا رہا ہے، کیونکہ تملگا ویتری کزگم کے سربراہ اور معروف اداکار وجے کل صبح 11 بجے ریاست کے نئے وزیر اعلیٰ کے طور پر حلف لیں گے۔ جمعہ دیر شام گورنر راجندر وشوناتھ آرلیکر نے انہیں حکومت بنانے کی باضابطہ دعوت دی، جس کے بعد ریاست میں نئی حکومت کی تشکیل کا راستہ صاف ہو گیا۔

راج بھون میں گورنر سے ملاقات کے بعد وجے نے حکومت سازی کی ذمہ داری قبول کی۔ ذرائع کے مطابق حلف برداری تقریب میں کانگریس رہنما راہل گاندھی کی شرکت بھی متوقع ہے۔ اس تقریب میں مختلف سیاسی جماعتوں کے رہنماؤں، فلمی شخصیات اور دیگر اہم مہمانوں کی موجودگی کا امکان ظاہر کیا جا رہا ہے۔