’میں استعفیٰ نہیں دوں گی، وہ مجھے برخاست کر سکتے ہیں‘، ممتا بنرجی کی ٹی ایم سی لیڈران سے سیاہ لباس پہننے کی اپیل

میٹنگ سے خطاب کرتے ہوئے ممتا بنرجی نے واضح انداز میں کہا کہ وہ وزیر اعلیٰ کے عہدے سے استعفیٰ نہیں دیں گی۔ انہوں نے کہا کہ اگر کوئی انہیں اقتدار سے ہٹانا چاہتا ہے تو وہ انہیں برخاست کر سکتا ہے۔ ممتا بنرجی نے پارٹی اراکین اور نومنتخب لیڈران سے اپیل کی کہ وہ اسمبلی کے پہلے دن سیاہ لباس پہن کر پہنچیں تاکہ اسے ایک ’سیاہ دن‘ کے طور پر درج کیا جا سکے۔

انہوں نے کہا کہ پارٹی کو مضبوط رہنے کی ضرورت ہے اور سیاسی جدوجہد جاری رہے گی۔ ممتا بنرجی نے یہ بھی کہا کہ پارٹی کے اندر جن لوگوں نے دھوکہ دیا، ان کے خلاف کارروائی کی جائے گی۔ ان کا کہنا تھا کہ سیاسی طور پر شکست کے باوجود وہ اخلاقی طور پر اپنے مخالفین کو ہرا چکی ہیں اور مستقبل میں بھی عوام کے لیے لڑائی جاری رکھیں گی۔