مدھیہ پردیش میں کسانوں کے مسائل پر کانگریس 7 مئی کو ممبئی-آگرہ ہائی وے جام کرے گی: جیتو پٹواری

جیتو پٹواری نے کہا کہ ریاستی حکومت کسانوں سے بدلہ لینے جیسا رویہ اختیار کر رہی ہے۔ انہوں نے بتایا کہ کسانوں کی آواز بلند کرنے اور حکومت کو بیدار کرنے کے لیے سات مئی کو ممبئی۔آگرہ قومی شاہراہ پر چکہ جام کیا جائے گا۔ ان کے مطابق یہ احتجاج پورے مدھیہ پردیش کے کسانوں کے جذبات کی نمائندگی کرے گا۔

انہوں نے کہا کہ عام لوگوں کو کم سے کم پریشانی ہو، اس لیے صرف ایک ہی قومی شاہراہ کو احتجاج کے لیے منتخب کیا گیا ہے۔ کانگریس اس تحریک کے ذریعے یہ جاننا چاہتی ہے کہ کسانوں سے کیے گئے وعدوں اور مودی گارنٹی کا آخر کیا ہوا۔