لالو خاندان پر فردِ جرم عائد کرنے کا فیصلہ موخر، اب 22 مئی کو سماعت

اس معاملے میں انفورسمنٹ ڈائریکٹوریٹ نے لالو پرساد یادو، ان کی اہلیہ رابڑی دیوی، بیٹے تیجسوی یادو، تیج پرتاپ یادو، بیٹی میسا بھارتی، ہیما یادو اور کئی دیگر افراد کے خلاف چارج شیٹ داخل کی ہے۔ ایجنسی کا الزام ہے کہ آئی آر سی ٹی سی کے ہوٹل ٹینڈر میں بے ضابطگیاں کی گئیں اور اس کے بدلے لالو خاندان سے جڑی کمپنیوں کو مالی فائدہ پہنچایا گیا۔

اس سے قبل بھی 16 اپریل کو اس معاملے کی سماعت ملتوی ہوئی تھی۔ اس وقت عدالت کو فردِ جرم عائد کرنے پر فیصلہ کرنا تھا، لیکن کارروائی آگے بڑھا دی گئی تھی اور نئی تاریخ 6 مئی مقرر کی گئی تھی۔ اب ایک بار پھر عدالت نے فیصلہ محفوظ رکھتے ہوئے اگلی سماعت 22 مئی مقرر کی ہے۔