بنگال انتخابات سے عین قبل گرفتار آئی پیک کے ڈائریکٹر ونیش چندیل 10 دن کی تحویل میں، ای ڈی کرے گی پوچھ گچھ

اس دوران بنگال میں حکمراں ٹی ایم سی لیڈر ابھیشیک بنرجی نے ونیش چندیل کی گرفتاری پر تشویش کا اظہار کیا ہے۔ انہوں نے سوشل میڈیا پلیٹ فارم ’ایکس‘ پر لکھا کہ مغربی بنگال کے انتخابات سے تقریباً 10 دن قبل آئی پیک کے شریک بانی ونیش چندیل کی گرفتاری نہ صرف تشویشناک ہے بلکہ یہ ’یکساں مواقع‘ کے جذبے کو بھی ہلا کر رکھ دیتی ہے۔ ایسے وقت میں جب مغربی بنگال آزادانہ اور منصفانہ انتخابات کی طرف بڑھ رہا ہے، اس طرح کی کارروائی یہ پیغام دیتی ہے کہ اگر آپ اپوزیشن کے ساتھ مل کر کام کرتے ہیں تو آپ بھی اگلا نشانہ بن سکتے ہیں۔ یہ جمہوریت نہیں بلکہ دھمکی ہے۔