نتیش کمار نے انتخابی وعدہ توڑا، بہار کے ساتھ وفاداری نہیں نبھائی: طارق انور

طارق انور نے کہا کہ یہ واضح نہیں ہے کہ نتیش کمار نے کن حالات یا دباؤ میں اپنا مؤقف تبدیل کیا، مگر بہار کے عوام اس طرزِ عمل کو قبول نہیں کریں گے۔ انہوں نے یہ بھی کہا کہ نتیش کمار کے بارے میں کچھ بھی یقینی طور پر نہیں کہا جا سکتا کیونکہ وہ کب کیا فیصلہ کر لیں، اس کا اندازہ لگانا مشکل ہے۔

کانگریس رہنما نے پون کھیڑا کو ملی ضمانت کا خیر مقدم کرتے ہوئے کہا کہ عدالت کا فیصلہ درست ہے۔ انہوں نے الزام عائد کیا کہ آسام پولیس نے پون کھیڑا کے خلاف ایسی کارروائی کی جیسے انہوں نے کوئی سنگین جرم کیا ہو، حالانکہ معاملہ اس نوعیت کا نہیں تھا۔