ناسک کے ڈنڈوری میں دردناک حادثہ، پانی سے بھرے کنویں میں کار گرنے سے 9 افراد کی موت

اس المناک حادثے میں کار میں سوار 3 بچوں کی بھی دردناک موت ہوگئی ہے۔ ڈنڈوری شہر کے شیوا جی نگر واقع کنویں میں ایم ایچ۔ 15 جے ایس۔ 1053 ارٹیگا کار گرگئی۔ بتادیں کہ ریسکیو آپریشن شروع کرنے کے بعد جب تک کار میں روار لوگوں کو باہر نکالا گیا تب تک سبھی نے دم توڑ دیا تھا۔ متوفیوں میں ایک ہی خاندان کے 5 افراد شامل ہیں۔ این ڈی آر ایف، مقامی انتظامیہ اور شہریوں نے دیر رات تک متاثرین کو بچانے کے لیے انتھک محنت کی۔ رات کی تاریکی میں کنویں کے اندر سے لوگوں کو نکالنے میں کافی دشواریوں کا سامنا کرنا پڑا۔