سپریم کورٹ نے دو مجرموں کی عرضی پر گجرات اور مہاراشٹر سے کیا جواب طلب

جسٹس راجیش بندل اور جسٹس وجے بشنوئی پر مشتمل بنچ نے بپن چندر کنائی لال جوشی عرف لالا ڈاکٹر اور پردیپ رمن لال مودھیا کی عرضی پر نوٹس جاری کیا۔ عدالت نے دونوں ریاستی حکومتوں کو جواب داخل کرنے کی ہدایت دی ہے اور اس معاملے کی آئندہ سماعت پانچ مئی کو مقرر کی گئی ہے۔

عرضی گزاروں نے چار مئی 2017 کے اس فیصلے کو چیلنج کیا ہے، جس میں بامبے ہائی کورٹ نے ٹرائل کورٹ کے فیصلے کو برقرار رکھتے ہوئے 11 مجرموں کو عمر قید کی سزا سنائی تھی۔ یہ سزا بلقیس بانو کے ساتھ اجتماعی عصمت دری اور ان کے خاندان کے افراد کے قتل کے جرم میں دی گئی تھی۔