اترپردیش میں طوفان اور بارش کا قہر، مختلف واقعات میں 23 لوگوں کی موت، محکمہ موسمیات کا الرٹ جاری

اس دوران محکمہ موسمیات نے منگل کے لیے 21 اضلاع میں گرج چمک اور ژالہ باری کا اورنج الرٹ جاری کیا ہے جب کہ 30 اضلاع میں 70 کلومیٹر فی گھنٹہ کی رفتار سے تیز ہواؤں کی وارننگ جاری کی گئی ہے۔ لکھنؤ کے علاقائی موسمیاتی مرکز کے سینئر سائنسدان اتل کمار سنگھ کے مطابق اگلے 3 دنوں تک ریاست میں گرج چمک کے ساتھ بارش اور آسمانی بجلی گرنے کا سلسلہ جاری رہے گا۔ 5 سے 7 مئی کے درمیان بھی کئی علاقوں میں تیز ہواؤں اور ژالہ باری کا امکان ہے جن میں باندہ، چترکوٹ، کوشامبی، پریاگ راج، فتح پور، پرتاپ گڑھ، سون بھدر، مرزا پور، چندولی، وارانسی، بھدوہی، جونپور، غازی پور، اعظم گڑھ، مئو، بلیا، رائے بریلی، امیٹھی، سلطان پور، ایودھیا، امبیڈکر نگر اور اطراف کے علاقے شامل ہیں۔