پاکستان میں امریکی سفارت خانوں کے باہر احتجاج، واشنگٹن نے شہریوں کو محتاط رہنے کی ہدایت دی

اسلام آباد: ایران پر امریکی اور اسرائیلی حملوں کے خلاف پاکستان کے مختلف شہروں میں احتجاجی مظاہرے شدت اختیار کر گئے ہیں۔ اسلام آباد میں قائم امریکی سفارت خانے نے صورت حال کے پیش نظر پاکستان میں موجود اپنے شہریوں کو خبردار کرتے ہوئے احتیاطی تدابیر اختیار کرنے اور سکیورٹی اصولوں پر سختی سے عمل کرنے کی ہدایت جاری کی ہے۔

امریکی سفارت خانے نے سوشل میڈیا پلیٹ فارم ایکس پر جاری بیان میں کہا ہے کہ وہ کراچی اور لاہور میں امریکی قونصل خانوں کے باہر جاری احتجاجی سرگرمیوں اور اسلام آباد میں سفارت خانے اور پشاور میں قونصل خانے کے باہر ممکنہ مظاہروں کی اپیلوں پر نظر رکھے ہوئے ہے۔