یومِ جمہوریہ پر کرتویہ پتھ پر صدرِ جمہوریہ دروپدی مرمو نے لہرایا ترنگا، شاندار پریڈ اور فضائی مظاہرہ

اس موقع پر صدرِ جمہوریہ کے ساتھ یورپی کونسل کے صدر انتونیو کوسٹا اور یورپی کمیشن کی صدر اُرسولا وون ڈیر لاین بطور خصوصی مہمان موجود تھیں۔ وزیرِاعظم نریندر مودی نے سلامی اسٹیج پر دونوں معزز مہمانوں کا خیر مقدم کیا۔ روایت کے مطابق صدرِ جمہوریہ اور مہمانانِ خصوصی کو ہندوستانی فوج کی سب سے سینئر رجمنٹ نے کرتویہ پتھ تک پہنچایا۔ وزیرِاعظم کے ساتھ وزیرِ دفاع راج ناتھ سنگھ نے نائب صدر سی پی رادھا کرشنن کا بھی استقبال کیا۔

اس سال کی یومِ جمہوریہ پریڈ میں ہندوستان کی فوجی طاقت، ثقافتی تنوع اور قومی یکجہتی کا دلکش امتزاج پیش کیا گیا۔ پریڈ میں جدید دفاعی نظاموں کی نمائش کے ساتھ ساتھ رنگا رنگ جھانکیوں نے ملک کی تہذیبی وراثت اور ترقیاتی سفر کو اجاگر کیا۔ برہموس اور آکاش جیسے جدید میزائل نظاموں کی جھلک نے دفاعی خود کفالت کے عزم کو نمایاں کیا۔