راہل گاندھی کا رائے بریلی دورہ، منریگا چوپال سے کرکٹ اسٹیڈیم تک مصروف پروگرام

گیسٹ ہاؤس میں راہل گاندھی نے پارٹی عہدیداروں سے ملاقات کر کے تنظیمی سرگرمیوں اور موجودہ سیاسی صورتِ حال پر تفصیلی بات چیت کی۔ اس دوران پنچایت انتخابات کی تیاریوں، خصوصی گہری نظرثانی یعنی ایس آئی آر اور دیگر سیاسی امور پر بھی گفتگو ہوئی۔ بتایا گیا ہے کہ راہل گاندھی نے پارٹی قیادت سے زمینی سطح کی رپورٹ لی اور تنظیم کو مزید مضبوط بنانے پر زور دیا۔

منگل کو راہل گاندھی ایک روزہ مصروف دورے کے تحت مختلف پروگراموں میں شرکت کریں گے۔ صبح 8.30 بجے وہ گیسٹ ہاؤس میں پارٹی عہدیداروں، نمائندوں اور ووٹروں سے ملاقات کریں گے۔ اس کے بعد وہ رکنِ پارلیمان فنڈ سے مکمل ہونے والے تقریباً 3 کروڑ روپے کے ترقیاتی کاموں کا افتتاح کریں گے، جن میں سڑکیں، بارات گھر اور دیگر عوامی سہولتوں کے منصوبے شامل ہیں۔