اموات کے بعد بھی آلودہ ٹینکروں سے سپلائی، کانگریس کا وزیر اعظم مودی اور موہن یادو سے سوال

غورطلب ہے کہ اندور کے بھاگیرتھ پورہ علاقے میں آلودہ پانی پینے سے ایک درجن سے زائد لوگوں کی اموات کے بعد پورے مدھیہ پردیش میں سیاسی ہنگامہ مچا ہوا ہے۔ اس افسوسناک واقعے پر اپوزیشن سڑکوں پر اتر آیا اور کئی اضلاع میں احتجاجی مظاہرے کئے جا رہے ہیں۔ اس سلسلے میں ریاست میں مختلف مقامات پر وزیر کیلاش وجے ورگیہ کے پتلے جلائے جا رہے ہیں۔ لیکن حالات سے ظاہر ہوتا ہے پورے معاملے میں حکومت پوری طرح بے حس بنی ہوئی ہے۔