اندور میں آلودہ پانی سے ہی ہوئی لوگوں کی موت، تجربہ گاہ میں ہوئی جانچ سے تصدیق!

محکمہ صحت کے ایک افسر نے بتایا کہ جمعرات کو بھاگیرتھ پورہ میں 1714 گھروں کا سروے کیے جانے کے دوران 8571 لوگوں کی جانچ کی گئی۔ افسر کے مطابق ان میں سے 338 لوگوں میں الٹی اور دست کی ہلکی علامت ملنے پر انھیں ان کے گھروں میں ابتدائی علاج فراہم کی گئی۔ انھوں نے بتایا کہ الٹی و دست کے قہر سے گزرے 8 دنوں میں مقامی اسپتالوں میں 272 مریضوں کو داخل کیا گیا ہے، جن میں سے 71 لوگوں کو چھٹی دی جا چکی ہے۔ افسر نے یہ بھی بتایا کہ فی الحال اسپتالوں میں 201 مریض داخل ہیں، جن میں سے 32 لوگ آئی سی یو میں ہیں۔