انڈیگو… یعنی لاپروائی، بے رخی اور ٹوٹتا بھروسہ… آدتیہ آنند

ہندوستان کی سب سے زیادہ منافع کمانے والی ایئرلائنز میں سے ایک انڈیگو کے اس زوال کی سیدھی سادی تشریح کرنا آسان نہیں ہے۔ یہ وہی ایئرلائن ہے جس نے 24-2023 میں 7,500 کروڑ روپے کا خالص منافع حاصل کیا، جس کے پاس 400 طیاروں کا بیڑا ہے (ایئر انڈیا سے دو گنا) اور جو روزانہ 2,200 پروازیں چلاتی ہے۔ اس سے بھی زیادہ اہم بات یہ ہے کہ کم پروازیں چلانے والی ایئر انڈیا کے پاس انڈیگو کے مقابلے کہیں زیادہ 6,350 پائلٹ ہیں، جبکہ انڈیگو کے پاس محض 5,085۔ یہ بھی اہم ہے کہ ڈی جی سی اے کو یہ سب معلوم تھا، پھر بھی انڈیگو کی پروازوں پر کوئی لگام نہیں لگی۔ یہاں تک کہ اس نے پروازوں میں اضافے کی بھی منظوری دے دی، خاص طور پر سردیوں کی تعطیلات کے مصروف موسم میں ایئرلائن کی جانب سے مانگی گئی رات کی پروازوں کو۔