انڈیگو پر ڈی جی سی اے کا بڑا قدم، 4 انسپکٹر برطرف، سی ای او کو دوبارہ طلب کیا

دوسری ٹیم مسافروں کی مشکلات پر توجہ مرکوز کیے ہوئے ہے۔ اس کا کام رِفنڈز کی صورتحال، ٹریول ایجنٹس کے ذریعے کی جانے والی ادائیگیوں کی واپسی، شہری ہوا بازی کے ضابطوں (سی اے آر) کے تحت ملنے والے معاوضے، وقت کی پابندی، سامان کی بروقت فراہمی اور مجموعی منسوخی کے اعداد و شمار کا جائزہ لینا ہے۔

ڈی جی سی اے نے انڈیگو کو حکم دیا ہے کہ وہ اپنے شیڈول کو مستحکم کرنے کے لیے اپنی یومیہ پروازوں میں 10 فیصد کمی کرے۔ چونکہ انڈیگو عام دنوں میں تقریباً 2,200 پروازیں چلاتی ہے، اس حساب سے اب اسے روزانہ 200 سے زائد پروازیں کم کرنی ہوں گی۔