این سی آر میں سردی کی دستک، درجہ حرارت میں مسلسل کمی، تیز ہوا سے اے کیو آئی میں بہتری

دہلی–این سی آر میں سردی نے دستک دے دی ہے۔ درجہ حرارت میں تیزی سے کمی اور تیز ہوا کے باعث آلودگی کی سطح گھٹی ہے۔ اے کیو آئی ’بہت خراب‘ سے ’آرنج زون‘ یعنی ’خراب‘ زمرے میں آ گیا ہے۔

دہلی–این سی آر میں نومبر کے آغاز کے ساتھ ہی سردی نے اپنی موجودگی کا واضح احساس دلانا شروع کر دیا ہے۔ موسم میں مسلسل تبدیلی کے سبب دن اور رات دونوں وقت درجہ حرارت میں نمایاں کمی درج کی جا رہی ہے۔ لوگوں نے پہلی مرتبہ اس موسم میں خنکی کو پوری شدت کے ساتھ محسوس کیا ہے، خاص طور پر صبح اور شام کے اوقات میں۔