گھٹنے لگا دہلی کا دم! ہوا کا معیار ’بہت خراب‘، سی پی سی بی نے جاری کیا الرٹ

محکمہ موسمیات (آئی ایم ڈی) کے مطابق دہلی میں زیادہ سے زیادہ درجہ حرارت 31.5 ڈگری سیلسیس رہا جو معمول سے 0.2 ڈگری زیادہ تھا جب کہ کم سے کم درجہ حرارت 17.9 ڈگری سیلسیس تھا جو معمول سے 1.9 ڈگری زیادہ درج ہوا۔ شام 5.30 بجے ہوا میں نمی کی سطح 58 فیصد تھی۔

دریں اثناء آئی آئی ٹی ایم پونے کی طرف سے جاری کردہ اعداد و شمار کے مطابق اگلے 10 دنوں میں پی ایم 2.5 کی سطح 8 نومبر کو 378 کے اے کیو آئی تک پہنچ سکتی ہے۔ پی ایم 10 کی سطح 327 تک جائے گی، جب کہ اس دن دہلی کا اوسط پی ایم 2.5 255 رہے گا۔