کنہیا کمار کا بی جے پی پر طنز، ملک میں نفرت کی سیاست کو نقصان دہ قرار دیا

کانگریس رہنما نے کہا کہ آج ملک میں ناتھورام گوڈسے جیسی سوچ کو سیاست میں جگہ دی جا رہی ہے، جو نہایت تشویش ناک ہے۔ ان کے مطابق ہمیں مہاتما گاندھی کو صرف سال میں ایک دن نہیں بلکہ روزانہ یاد کرنے کی ضرورت ہے، تاکہ نفرت کی سیاست کا خاتمہ ہو اور تمام مذاہب کے لوگ مل جل کر رہ سکیں۔

بی جے پی پر نشانہ سادھتے ہوئے انہوں نے کہا کہ بی جے پی کے رہنما بھی اسی ملک کے شہری ہیں اور انہیں ہندوستان کی تاریخ کا بخوبی علم ہے، اس کے باوجود وہ ایسی سیاست کر رہے ہیں جو ملک کو تقسیم کرتی ہے۔ انہوں نے اپیل کی کہ سچائی اور عدم تشدد کے راستے پر چل کر ہی ملک کی ترقی ممکن ہے۔

کنہیا کمار نے کہا کہ ذاتی مفاد کے لیے دو برادریوں کے درمیان ٹکراؤ پیدا کرنا غلط ہے۔ ملک میں امن قائم رہنا سب کے مفاد میں ہے، کیونکہ خراب ماحول کا نقصان براہِ راست عوام کو ہوتا ہے۔ اس لیے نفرت کی سیاست کو جلد از جلد بند کیا جانا چاہیے۔