پنچایت انتخابات میں اکیلے اترے گا آر ایل ڈی، این ڈی اے کا حصہ ہونے کے باوجود خود کے دم پر آزمائے گی سیاسی طاقت

یہ فیصلہ میرٹھ میں منعقد پنچایت انتخابی کمیٹی کی ایک اہم میٹنگ میں سامنے آیا۔ میٹنگ کی صدارت کرتے ہوئے پنچایت الیکشن کمیٹی کے صوبائی کنوینر ڈاکٹر کلدیپ اجول نے کہا کہ ’’پنچایت کے انتخابات دراصل گاؤں کی سیاست کا حصہ ہیں اور گاؤں کے لوگ ہی ان میں ووٹ ڈالتے ہیں۔ ہماری جماعت کی جڑیں گاؤں کے ہر سطح پر مضبوط ہیں، اسی بنیاد پر ہم پورے صوبے میں یہ الیکشن اکیلے لڑنے جا رہے ہیں۔‘‘

انہوں نے مزید کہا کہ آر ایل ڈی کا اتحاد این ڈی اے کے ساتھ لوک سبھا اور اسمبلی انتخابات کے تناظر میں ہے، لیکن پنچایت انتخابات مکمل طور پر مقامی سطح کے ہوتے ہیں جنہیں پارٹی اپنے تنظیمی ڈھانچے اور کارکنان کے بل بوتے پر لڑے گی۔