پانچ ریاستوں کے انتخابات کی تیاری، الیکشن کمیشن نے 25 لاکھ سے زائد اہلکار تعینات کئے

کمیشن کے مطابق ان انتخابات میں مجموعی طور پر 17.4 کروڑ سے زیادہ ووٹر حصہ لیں گے۔ اس بڑے انتخابی عمل کو بہتر طریقے سے انجام دینے کے لیے تقریباً ہر 70 ووٹروں پر ایک انتخابی اہلکار تعینات کیا گیا ہے، جو اس بات کو یقینی بنائے گا کہ ووٹنگ کا عمل بغیر کسی رکاوٹ اور دباؤ کے مکمل ہو۔

چیف الیکشن کمشنر گیانیش کمار نے واضح کیا کہ تمام اہلکاروں کو سختی سے ہدایت دی گئی ہے کہ وہ مکمل غیر جانبداری کے ساتھ اپنی ذمہ داریاں انجام دیں، تاکہ کسی بھی قسم کی بدعنوانی، تشدد یا ووٹروں کو متاثر کرنے کی کوششوں کو روکا جا سکے اور ہر شہری بلا خوف و خطر اپنا ووٹ ڈال سکے۔