ٹرین میں سیٹ کے لیے ہوئی خونی جھڑپ، بیتول میں ریلوے اسٹیشن پر نوجوان مسافر علی خان کا پیٹ پیٹ کر قتل

واقعہ کی اطلاع ملتے ہی جی آر پی موقع پر پہنچی۔ پولیس نے لاش کو تحویل میں لے کر پوسٹ مارٹم کے لیے اسپتال بھیج دیا۔ پولیس نے ملزمین کی گرفتاری کے لیے اسٹیشن اور اطراف کے علاقوں کو گھیرے میں لے لیا تاہم تب تک ملزمین موقع سے فرار ہو چکے تھے۔ جی آر پی آملہ کے تھانہ انچارج پرمود پاٹل نے کہا کہ اس پورے معاملے میں قتل کا مقدمہ درج کر لیا گیا ہے۔ ریلوے اسٹیشن پر لگے سی سی ٹی وی فوٹیج کی اچھی طرح سے جانچ کی جا رہی ہے۔ اس کے علاوہ واقعہ کے وقت اسٹیشن پر موجود عینی شاہدین اور مقتول کے دوستوں کے بیانات بھی قلمبند کیے جا رہے ہیں۔ ملزمین کی شناخت کی کوششیں جاری ہیں اور انہیں جلد از جلد گرفتار کر لیا جائے گا۔