مہینے کی پہلی تاریخ کو لگا مہنگائی کا زوردار جھٹکا، کمرشیل گیس سلنڈر کی قیمت میں 993 روپے کا اضافہ

قابل ذکر ہے کہ ہندوستان ایل پی جی کی اپنی ضروریات کا تقریباً 60 فیصد حصہ درآمد کرتا ہے۔ 28 فروری کو ایران پر امریکہ و اسرائیل کے حملوں اور اس پر تہران کی جوابی کارروائی سے قبل ہندوستان کے نصف سے زیادہ خام تیل کی درآمدگی تقریباً 30 فیصد گیس اور 90-85 فیصد ایل پی جی کی درآمد مغربی ایشیائی ممالک (مثلاً سعودی عرب اور یو اے ای وغیرہ) سے ہوتی تھی۔ اب مشرق وسطیٰ میں کشیدگی کے سبب تیل مارکیٹنگ کمپنیاں دباؤ میں ہیں۔ ہندوستان نے روس جیسے ممالک سے تیل خرید کر خام تیل کی سپلائی میں آئی رکاوٹوں کا کچھ حد تک ازالہ کر لیا ہے، لیکن صنعتی استعمال کرنے والوں کے لیے گیس کی فراہمی میں تخفیف کرنی پڑی ہے۔ ساتھ ہی ہوٹلوں اور ریسٹورینٹ جیسے کمرشیل اداروں کے لیے ایل پی جی کی دستیابی بھی کم کر دی گئی ہے۔